Малайзиялик талаба Закридз Родзининг йўқолган смартфони маймун томонидан ўғирлангани маълум бўлган, деб ёзади «Korrespondent.net».
Таъкидланишига қараганда, 20 ёшли Родзи ухлашидан аввал телефонини каравотига яқин жойга қўйган, эрталаб уйғонганида эса уни ҳеч қаердан топа олмаган.
Закридз отаси билан кўчага чиққан ва ўз рақамига қўнғироқ қилган. Жиринглаган овозни эшитганидан кейин гаджетини пальма тагидан топган.
https://twitter.com/Zackrydz/status/1305115289269362688
Уйга қайтгач iPhone’нини текширган Родзи фотогалереясида маймуннинг фото ва видеоларини топган. У маймуннинг селфи ва бошқа суратлари билан Twitter саҳифасида бўлишган. Маймун телефонни қандай олиб чиқиб кетгани номаълум, дейилади хабарда.
Изоҳ (0)