Давлат божхона қўмитаси бошқарма бошлиғи Илҳом Муҳторовнинг айтишича, 2020 йил бошидан сентябрь ойигача тадбиркорлик субъектлари учун 28 триллон сўмлик божхона имтиёзлари берилган. У бу ҳақда 16 сентябрь куни АОКАда «Божхона аудитини ташкил этиш ва ўтказиш тартиби» мавзусида бўлиб ўтган матбуот анжуманида маълум қилди.
«Божхона имтиёзлари тадбиркорлик субъектлари учун завод қуриш, янги технология олиб кириш, янги ишчи ўрин яратиш, янги қўшилган қиймат солиғини келтириб чиқарадиган маҳсулот ишлаб чиқариш ва уни экспорт қилиш учун берилади. Божхона назоратида текширув маҳсулотнинг коди, тури, божхона қиймати ва имтиёз масаласи каби 3-4 та омил асосида олиб борилади. Мана шу жараёнларни тадбиркорларга енгиллик сифатида яна ҳам соддалаштириб бераяпмиз», деди – Илҳом Муҳторов.
Унинг айтишича, импорт қилинаётган товарларнинг қарийб 65 фоизи тезлаштирилган тартибда, яшил йўлакларда текшрилиб ўтказилмоқда. Бу эса тадбиркорларга бир қанча қулайликлар яратади. Хусусан, олдинги йилларга қараганда 4,5 мартага текширув вақти қисқарди ва бу билан товарлар божхона омборларида сақланмайди. Бу эса тадбиркор ўз маҳсулотларининг божхона омборларида сақлаши учун маблағ сарфламайди. Мана шу қулайликлар тадбиркорлик субъектларига анча енгиллик бўлмоқда.
Мавзуга доир:
- Ўзбекистонда божхона аудитини ташкил этиш ва ўтказиш тартиби тасдиқланди
- Давлат божхона қўмитаси 3,8 млрд сўмлик утилизация йиғимларини четлаб ўтишга уриниш ҳолатлари бўлганини маълум қилди
- Давлат божхона қўмитаси IMEI кодларни рўйхатдан ўтказишда юзага келаётган муаммолар бўйича текширув ўтказмоқда
Изоҳ (0)