Коронавирусга қарши кураш штаби аъзоси Барно Абдусаматова Ўзбекистон жамоавий иммунитет ҳосил қилиш йўли билан коронавирусга қарши кураш усули танламаслигини маълум қилди.
Мавзуга доир: «Ўзбекистон ҳеч қачон бу йўлни танламайди» — оммавий иммунитет ҳақида Коронавирусга қарши кураш штаби аъзоси изоҳ берди
Албатта, бу ҳам бир йўл, лекин жуда хавфли. Коронавирусга оммавий иммунитет шаклланиши учун аҳолининг 60 фоиздан 80 фоизгача қисми касалланиб, соғайиши керак. Кўплаб одамларнинг ҳаётини, айниқса сурункали касалликлари борлар, ёши катталар, ҳомиладорлар ва болаларни хавф остига қўйишимиз мумкин. Аксарият одамларнинг касалланиши, даволаниши ва иммунитет ҳосил қилиши учун бир неча йиллар керак бўлади. Шунингдек, эпидемияни олдини олмасак, инфекция тарқалиши ривожланиб кетади. Оқибатда касалланиш ҳолатлари ортиб кетиши натижасида клиникалар беморларга тўлиб, соҳага босим ортади, ўлим кўпаяди. Шунинг учун ушбу йўлни Ўзбекистон ҳеч қачон танламайди ва аксинча пандемияни назоратда ушлаб туриб кўп вақт давомида камроқ одамлар касал бўлишига эришишимиз мумкин. Юртимизда ҳар бир инсон саломатлиги биринчи ўринда туради. Вақт ўтиши билан ҳар бир инсон ҳаёти давомида бу инфекция билан тўқнашиши мумкин, лекин бу даврда коронавируснинг касаллик чақириш қобилияти камайган бўлса, уни анча енгил кечиради. Шу давр ичида эса вакцина масаласи ҳам ҳал бўлиши мумкин.Аввалроқ, Жаҳон соғлиқни сақлаш ташкилотининг соғлиқни сақлаш соҳасида фавқулодда вазиятлар бўйича дастурлари директори Майкл Райан жамоавий, яъни коллектив иммунитет COVID-19’ни енгиб ўтилишини англатмаслигини маълум қилган эди.Барно Абдусаматова, Коронавирусга қарши кураш штаби аъзоси
Изоҳ (0)