Ижтимоий тармоқларда Тошкентда катта йўлда бир ўзи кетаётган Spark йўл четида турган Matiz автомобилига бориб урилгани тасвирланган видео тарқалди.

Кадр: Telegram

Видеодан кўриш мумкинки, катта йўлда бир ўзи ҳаракатланиб келаётган Spark ҳайдовчиси номаълум сабабларга кўра, йўл четида турган Matiz’га келиб урилган. Йўл-транспорт ҳодисаси оқибатида иккала машина ҳам йўл четидаги панжара тўсиғи ва унинг устунини бузиб ўтган.

Matiz’нинг орқа бампери ва ён эшиклари пачоқланган, машина ичида ҳеч ким бўлмаган. Spark ҳайдовчисига қай даражада жароҳат етгани эса номаълум.

Аввалроқ  Ўзбекистонда карантин қоидалари юмшатилганидан бошлаб — 15 августдан кейинги биринчи ҳафтанинг ўзида 17 та ЙТҲ содир этилгани ва унинг оқибатида 3 киши вафот этгани, 22 киши турли даражада тан жароҳати олгани тўғрисида хабар берилганди.

Мавзуга доир: «Ўзбекистонда ЙТҲ оқибатида вафот этганлар сони қотиллик қурбонларидан беш баробарга кўп» — ИИВ вазири