Футбол бўйича Осиё Чемпионлар Лигасининг 3-турида «Пахтакор» 14 сентябрь, душанба куни «Ал-Ҳилол» билан баҳс юритди.
Учрашувни тошкентликлар фаол бошлади ва биринчи бўлимда тўлиқ устунлик Шота Арвеладзе шогирдлари томонида бўлди. Бироқ Саудия Арабистони чемпиони бўлим сўнгида ҳисобни очишга эришди. «Ювентус» собиқ футболчиси Себастьян Жовинко жарима зарбасини муваффақиятли ижро этган ҳолда жамоасини олдинга олиб чиқди.
Иккинчи бўлимда ҳам «Пахтакор» ўйинчилари тўп назоратини ўз қўлига олишга эришди. 64-дақиқада Элдор Суюнов жарима майдони ташқарисида қўл билан ҳаракат қилиб, рақиб ҳужумини тўхтатиб қолди ва ҳакам «Пахтакор» дарвозабонига қизил карточка кўрсатди.
Учрашувнинг 70-дақиқасида Эрен Дердийок мувозанатни тиклашга муваффақ бўлди. Қолган дақиқалар саудияликларнинг босими остида ўтди, номинал мезбонлар ҳакам томонидан қўшиб берилган вақтнинг сўнгги дақиқасида ғалабани илиб кетди.
Гуруҳнинг иккинчи ўйини «Шабоб ал-Аҳли» ва «Шаҳр Ходро» жамоалари ўртасида кечди. Унда Азиз Ғаниев жамоадошлари Ғариб Абдулла Суҳаилнинг ягона голи эвазига ғалабага эришди. Ғаниев ушбу ўйинда тўлиқ ҳаракат қилди.
Шу тариқа «Ал-Ҳилол»нинг очколарини 9 тага етди ва жамоа биринчи ўринга кўтарилди. «Пахтакор» 6 очко билан 2-ўринга тушди. Ушбу жамоалар кейинги турда ҳам ўзаро баҳс юритади.
ОЧЛ
3-тур баҳслари
14 сентябрь, душанба
«Ал-Ҳилол» (Саудия Арабистони) — «Пахтакор» (Ўзбекистон) 2:1
Голлар: 1:0 – 45+2 Жовинко, 1:1 – 70 Дердийок, 2:1 – 90+7 Баҳебри.«Ал-Ҳилол»: Абдуллоҳ ал-Муаюф, Себастьян Жовинко, Ёсир аш-Шаҳрони, Носсир ал-Довсари (Ҳаттан Баҳебри, 82), Абдуллоҳ ал-Ҳафиз, Бафетимби Гомис, Андре Каррильо, Чан Ҳюн Су, Амир Қурди (Али ал-Булайҳи, 89), Муҳаммад Канно, Салим ал-Довсари,
«Пахтакор»: Элдор Суюнов, Ҳожиакбар Алижонов, Анзур Исмоилов, Жалолиддин Машарипов, Драган Черан, Игор Сергеев (Эрен Дердийок, 62), Егор Кримец, Достонбек Ҳамдамов (Санжар Қувватов, 67), Одилжон Ҳамробеков, Сардор Собирхўжаев (Аброрбек Исмоилов, 67), Фарруҳ Сайфиев (Акром Комилов, 85).
Огоҳлантиришлар: Ал-Шаҳрони (26), Черан (81), Исмоилов (90), Комилов (90+3),
Четлатиш: Суюнов (65).
«Шабоб ал-Аҳли» (БАА) — «Шаҳр Ходро» (Эрон) 1:0
Гол: 1:0 – 75 Ғариб Абдулла.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)