Ўзбекистонда коронавирус билан касалланиш кўрсаткичи чегараларни очиш билан боғлиқ ишларни кечиктиришни тақозо этади. Бу ҳақда АОКА ҳузуридаги штабда ташкил этилган брифингда Коронавирусга қарши кураш штаби аъзоси Нурмат Отабеков томонидан маълум қилинган.
Бугунги кунда Ташқи ишлар вазирлиги, Транспорт вазирлиги билан биргаликда барча турдаги халқаро қатновларни тиклаш бўйича хорижий мамлакатлар билан музокаралар олиб борилмоқда ва қатновларни босқичма-босқич тиклаш бўйича тадбирлар амалга ошириляпти. Қўшни давлатлар билан чегаралар очилиши ва фуқароларнинг ундан чиқиб киришига рухсат бериш учун эпидимиологик вазият айнан шуни тақозо қилиши керак. Ҳозирги пайтдаги касалланиш кўрсаткичи чегараларни очиш билан боғлиқ ишларни пайсалга солишни тақозо қиляпти. Акс ҳолда касаллик четдан кириб келиб тарқалиши эҳтимоли юқори эканлигини унутмаслигимиз керак.Эслатиб ўтамиз, Uzbekistan Airways АЖ халқаро йўналишлар бўйича мунтазам парвозларни қайта тиклашини маълум қилган. 16 августдан 31 августгача халқаро қатновларнинг ва маҳаллий йўналишлар бўйича мунтазам парвозларнинг бир қисми мажбурий бекор қилинган эди. Компания сентябрдан бошлаб 4 давлат билан мунтазам авиақатновларни тиклаши мумкинлиги ҳақида билдирган. Шунингдек, Санитария-эпидемиологик осойишталик агентлиги директори Баҳодир Юсупалиев «Коммерсантъ»га берган интервьюсида Ўзбекистон Россия билан халқаро авиақатновларни сентябрь ойи давомида тиклаши мумкинлигини айтган.Нурмат Отабеков, Вазирлар Маҳкамаси ҳузуридаги Санитария-эпидемиологик назорат давлат инспекцияси бошлиғи
Изоҳ (0)