«Навбаҳор» катта мураббийи Нўмон Ҳасанов Coca-Cola Суперлига 15-тури доирасида «Локомотив»га қарши кечган ўйиндан (0:1) сўнг ўз фикрлари билан ўртоқлашди.
Қизиқарли ўйин бўлди. «Локомотив» иккинчи бўлимда гол уриб, бизни қийин аҳволга солиб қўйди. Биринчи бўлимнинг дастлабки 15 дақиқасида йигитлар ўзига кела олмади. Бўлим охирларида ҳаракатлари қовушди. Бундай ўйинларда битта гол барчасини ҳал қилади. Хатолар устида ишлаймиз. Футболчилар атайинми ёки бошқа сабабми бир-бирига қаттиқ пас бермоқда. Кўп футболчиларнинг ўйинини тушунмадим.«Навбаҳор» 15-турдан кейин 20 очко билан 7-ўринда бормоқда. Жамоа кейинги турда «Андижон»га қарши баҳс юритади.Жамоага келганимга кўп бўлмади. Клубдаги футболчилар, раҳбарлар касалланди, коронавирус билан курашди. Ўша пайт футболчиларда куч йўқ эди. «Локомотив» билан ўйинга тайёргарлик яхши ўтди. Битта ўйинда ютиб олсак ҳаммаси ижобий томонга ўзгариб кетади.
Футболчиларни уришиб кетиши ва бошқа ҳолатлар ҳақида бундан олдинги матбуот анжуманларида гапирган эдим. Яна такрорласам нотўғри бўлади. Ҳозир ҳам йигитларни олдига кириб буни айтдим. Футболчиларни муносабати бир-бирига яхши бўлиши керак. Бундай жамоани кўрмаганман. Битта оила сифатида бирлашиш керак. Ҳар доим тушунтирмоқдаман. Бу ҳолатга ўзим ҳам тушунмаяпман. Жамоа аҳил оила бўлсагина ғалабалар келади. Машғулотларда ҳам ишлаяпмиз. Вазиятни тўғирлашга ҳаракат қиламиз.
Ҳужумчилардаги реализация? Қўқон жамоасини бошқарувини қўлимга олганимда ҳам шу муаммо бор эди. Пас ўйнашни билмасди. Лекин, маълум вақт ўтгач узатма билан ўйнашни ўзлаштиришди. Юқорида айтганимдек, жамоага яқинда келдим, тўғри ўйнаш, қанотдан тўғри тўпни ошириш эмас, очиқ турган футболчи билан ўйнаш кабиларни йўлга қўямиз. Ҳужумчилар кам, тўғриси, бизнинг пайтда пас берадиган, гол урадиган ҳужумчилар кўп бўларди. Анчадан бери ҳужумчилар камлиги кўриниб турибди.
Игор Голбан ва Даврон Ҳошимовнинг ҳаракатлари учун ўйиндан кейин уришдим. Бу нотўғри нарса. Уришиб кетиш, ҳурматсизлик футболчига ярашмайди. Ҳозир сизлар кўряпсизлар, мухлислар кўрса нима бўлади? Битта жамоада ўйнаб бундай ишларни қилиш керак эмас. Ҳамма хато қилади.
Канчельскиснинг ҳолати ҳақида, иситмаси бор. Кеча гаплашдим, футболчиларни йиғиб йўқлаб келишга жўнатдим. Улар кўриб келди. Барибир у бош мураббий, биз унинг ёрдамчиларимиз. Канчельскис яхши инсон. Соғлик тилайман. Биз билан бирга бўлмаса-да ҳар куни алоқада бўлиб турибмиз. Футболчилик пайтимизда ўйинларини кўп кўрганмиз.
Нўмон Ҳасанов, «Навбаҳор» катта мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)