Профессионал бокснинг оғир вазн тоифасида вақтинчалик WBC чемпиони Александр Поветкин (36-2-1, 25 КО) ва Диллиан Уайт (26-2, 18 КО) ўртасидаги реванш жанги 21 ноябрь куни бўлиб ўтади. Бу маълумотни ҳар икки боксчи тасдиқлади.
«Дам олдим, оилам билан вақт ўтказдим. Энди реванш санаси аниқ бўлгач, яна машғулот лагерига йўл оламан ва бу жангга ҳам худди биринчи галдагидек ҳозирлик кўраман.
Диллиан Уайт — яхши, кучли боксчи, буни жангдан олдин ҳам, кейин ҳам айтганман. 21 ноябрда рингга чиқишга тайёр бўламан. Ишончим комил, биз яна яхши ва чиройли бокс намойиш қиламиз», — дейди Поветкин.
Уайт эса Instagram саҳифасида жанг афишасини эълон қилди.
Эслатиб ўтамиз, Поветкин 23 августда Уайтга қарши жанг олиб борган ва бешинчи раунддаги техник нокаут эвазига ғалаба қозонганди.
Поветкин ва Уайт ўртасидаги илк жангни томоша қилинг (видео)
Изоҳ (0)