Ўзбекистонда 2020 йил 13 сентябрь соат 10:00 ҳолатига кўра коронавирус инфекциясини юқтириб олганлар сони 192 кишига кўпайиб, жами касалланиш ҳолатлари сони 47 042 тага етди. Бу ҳақда Соғлиқни сақлаш вазирлиги маълум қилди.
Хабар беришларича, янги касалланиш ҳолатларининг
- 96 таси Тошкент шаҳрида,
- 51 таси Самарқанд вилоятида,
- 17 таси Андижон вилоятида,
- 9 таси Наманган вилоятида,
- 8 таси Қорақалпоғистонда,
- 8 таси Тошкент вилоятида,
- 3 таси Қашқадарё вилоятида
«Шу билан бирга, Зангиота туманида яшаган 83 ёшли Б.Р. (эркак) ҳамда Шайхонтоҳур туманида яшаган 74 ёшли Х.З. (аёл), жами 2 нафар коронавирусга чалинган бемор вафот этди», — дейилади ССВ ахборотида. Шундай қилиб, ССВ ҳисоби бўйича Ўзбекистонда коронавирус инфекцияси оқибатида вафот этганлар сони 388 нафарга етди («Дарё» ҳисоби бўйича қурбонлар сони камида 402 нафар).
Ҳозиргача Ўзбекистонда коронавирусга чалингани расман тан олинган 43 511 нафар бемор (жами касалланганларнинг 93 фоизи) соғайган. Айни вақтда 3143 нафар бемор даволанишни давом эттирмоқда. Соғлиқни сақлаш вазирлиги ушбу беморларнинг қанчаси оғир аҳволда эканини маълум қилмаган (12 сентябрь якунига кўра даволанаётган беморларнинг салкам 24 фоизи оғир аҳволда эди).
Изоҳ (0)