ИИВ ҳузуридаги тергов департаменти Бухоро вилояти Ғиждувон туманида 40 ёшли А.Х. исмли шахснинг хонадонига ўғри тушгани ва 87 миллион 150 минг сўм пулни ўғирлаганини хабар қилди.
Хабарга кўра, 2020 йилнинг 20 август куни соат 03:00 дан 08:00 гача бўлган вақт оралиғида номаълум шахс А.Х.нинг Ғиждувон тумани «Ф.Юнусов» МФЙ Пахтакор кўчасидаги уйига ғайриқонуний равишда кирган. Ўғри ётоқхонадаги сандиқ ичидан 87 миллион 150 минг сўм нақд пулларини олиб, ҳодиса жойидан яширинган.
Ҳолат юзасидан Ғиждувон туман ИИО ФМБ ҳузуридаги Тергов бўлими томонидан номаълум шахсга нисбатан Жиноят кодексининг 169-моддаси 3-қисми «в» банди (кўп миқдорда содир этилган ўғрилик) билан жиноят иши қўзғатилган.
Жиноят иши юзасидан олиб борилган тезкор қидирувда, мазкур жиноятни муқаддам ўғрилик жиноятини содир этгани учун судланган 24 ёшли А.А. амалга оширгани аниқланган.
Тергов жараёнида жабрланувчи А.Х. нинг жияни, вояга етмаган 17 ёшли М.А. қариндошининг уйда кўп миқдорда пул борлиги тўғрисида А.А.га хабар бергани ойдинлашди. А.А. мазкур хабарга кўра жиноятни содир этгани аниқланди. Гумонланувчидан ашёвий далил тариқасида 44 минг 913 минг сўм пуллар ўрнатилган тартибда ҳужжатлаштириб олинган.
Жиноят иши бўйича А.А. айбланувчи тариқасида жалб қилиниб, унга нисбатан қамоққа олиш тарзидаги эҳтиёт чораси қўлланилган. М.А.нинг ҳаракатларига қонуний баҳо бериш чоралари кўрилмоқда, дейилади хабарда.
Аввал Фарғона вилояти Қўқон шаҳридаги МЧЖ биносига кириб, сейфдан 122 530 000 сўм ва 8 660 АҚШ доллари миқдоридаги пул маблағларини ўғирлаган шахс қамоққа олингани, Тошкентдаги масъулияти чекланган жамиятлардан бирининг биносига бостириб кириб, тахминан 2 миллиард сўмдан кўпроқ нақд пулларни о‘ғирлаган шахсларга жиноят иши қўзғатилгани ҳақида хабарлар берилган.
Изоҳ (0)