Япониялик йигит велосипед ўғриларини чалғитадиган наклейка ўйлаб топди

Япониялик 29 ёшли Мотоки Реога велосипед ўриндиғи учун қуш ахлати кўринишидаги наклейкалар ўйлаб топди. Бу ҳақда Esquire хабар беради.

Стикерни университетдаги дизайн курси доирасида ишлаб чиққан Мотокига оригинал ихтироси учун соврин берилган. Реога Японияда ҳар 15 дақиқада велосипед йўқолиши, 2018 йилда ўғирланган 35 395 велосипеднинг 42 фоизи қулфлаб қўйилганига ҳам қарамай ўғирлаб кетилганини аниқлаган. Бу маълумот Мотокининг муаммога ечим топишга ундаган.

https://twitter.com/happy_1242/status/1300214859473190912

Реога эксперимент ўтказишга қарор қилган, кўчадаги 1000 та велосипедга наклейка ёпиштириб чиққан ва уларни қулфламаган. Натижада беш кун ичида велосипедларнинг биронтаси ҳам ўғирланмаган. Шундан кейин у краудфандинг платформасида стикерлар тақдим қилиш учун маблағ йиғишни бошлаган. Режага кўра 200 минг иена (11875 доллар) керак бўлган, аммо фойдаланувчиларнинг ҳайратига сабаб бўлган ихтирога жами 450 минг иена (4216 доллар) йиғилган.

https://twitter.com/itm_nlab/status/1303626702493343745

Наклейкани мотоцикл ўриндиқларига ҳам ёпиштирса бўлади. Стикерни ўриндиғига ёпиштиришга кўнгли бўлмаганлар учун Реога худди шу сурат туширилган махсус ғилофлар ишлаб чиқарган.