Видео: Баланд ва оҳангдор овозда «қўшиқ куйлаётган» тюленлар

АҚШнинг Калифорния штатидаги Тинч океан аквариумида иқтидорли ҳамда жуда баланд пардада куйловчи денгиз мушуклари аниқланди. TikTok ижтимоий тармоғида тарқалган видео интернет фойдаланувчиларининг кулгисига сабаб бўлди, деб ёзади Esquire.

«Фикримча, энг баланд овозга эга ҳайвон – сув мушуги бўлса керак», − дейди, Кейн, Паркер ва Харпонинг намойишидан сўнг океанариум ходимларидан бири Эрин.

Биринчи иштирокчи чиқишида жуда яхши ҳаракат қилди ва 10 баллдан 8 балл натижага эришди. Паркер ундан бир баллга ортда қолди, Харпо эса энг юқори кўрсаткичга эришишига бироз етмади. Аммо денгиз мушуклари осонликча таслим бўлмади, улар мусиқа танловининг мавжуд рекордларини янгилаган ҳолда хор жамоасини ташкил этди.

Томоша қилишдан аввал қурилма овозини пасайтириш тавсия этилади.

https://twitter.com/nattiedabrattie/status/1294830098458255361

Видео Twitter ижтимоий тармоғида оммалашди ва 8 миллиондан ортиқ фойдаланувчи томонидан томоша қилинди. Фойдаланувчилар нафақат ушбу жонзотларни яхши кўриб қолди, балки Кейн, Паркер ва Харпо ҳамкорлигидан илҳом олди.

https://twitter.com/TropicalRemedy/status/1295365493491208192

Харпо деярли машҳур бўлиб улгурган. Кўринишидан у океанариумда ҳам ажралиб турадиганга ўхшайди, у обуначиларга танловнинг ғолиби бўлганлиги муносабати билан видео орқали миннатдорлик билдирган.