Ўзбекистон ҳукуматининг банк секторини ривожлантиришга қаратилган ислоҳотлари самараси ўлароқ ва илғор хорижий тажрибаларни жорий қилишни кўзлаган ҳолда, акциядорлик тижорат «Қишлоқ қурилиш банк» бизнес моделининг асосий йўналишларини белгилаб олди.
Хусусан, халқаро консалтинг ташкилотлари билан хамкорликда банкнинг 2020-2025 йилларга мўлжалланган ривожлантириш стратегиясиишлаб чиқилди ва бунда банкнинг транформация жараёнида корпоратив бошқарувнинг халқаро стандартларини жорий этиш, замонавий ахборот-коммуникация технологияларини қўллаган ҳолда бизнес жараёнларини оптималлаштириш ва банк хизматлари спектрини тубдан кенгайтириш ва уларнинг сифатини ошириш кўзда тутилган.
Ушбу жараёнларни амалга оширишда АТБ «Қишлоқ қурилиш банк» ва Осиё тараққиёт банки (ОТБ) ўртасида ҳамкорликнинг янги босқичига қадам қўйилди. Ўзаро келишувга кўра, ОТБ консултантлари банк хизматлари сифатини ошириш ва корпоратив бошқарувни такомиллаштириш жараёнларига амалий кўмаклашадилар.
Таъкидлаш жоизки, АТБ «Қишлоқ қурилиш банк» ва «Осиё тараққиёт банки» кўп йиллик ҳамкорлар ҳисобланади. Улар ўртасидаги ҳамкорлик 2012 йилда бошланган бўлиб, бугунги кунга қадар қишлоқ жойларда уй-жойлар қуриш дастури доирасида ҳамкорлар ўртасида 576 млн АҚШ доллариданортиқ ва чорвачиликни ривожлантириш йўналишида эса 15 млн АҚШ доллари миқдоридаги шартномалар имзоланган.
Янги босқичдаги ўзаро алоқалар ҳамкорликнинг янги йўналиши бўлибгина қолмай, амалда аҳолини замонавий банк хизматлари билан таъминлашга ва кўрсатилаётган хизматларнинг сифат жиҳатидан ўзгаришига хизмат қилади.
«Қишлоқ қурилиш банк» – фаровон ҳаётингиз хизматида!
Мурожаат учун телефонлар: (+99878) 150-93-39, 150-39-93
Веб-сайт: www.qqb.uz
Telegram: t.me/QQBank
Facebook: fb.com/official.qqb.uz
Банк ахборот хизмати
Реклама ҳуқуқи асосида.
Изоҳ (0)