2019 йил августда Пойтахтнинг Яшнобод туманида ташкил этилган Технопаркда 2020-2021 йилларда 15 та инвестиция лойиҳаси амалга оширилиши режалаштирилган. Ушбу лойиҳалардан бири Мустақиллигимизнинг 29 йиллик байрами арафасида ишга туширилди.
Шу йилнинг 29 август куни Президент Шавкат Мирзиёев рамзий тугмани босиб, навбатдаги инвестициявий лойиҳа — «Маиший совутгичлар ишлаб чиқариш» корхонасига старт берди. Умумий қиймати 62,1 миллион АҚШ доллари бўлган мажмуа Жанубий Кореянинг «Samsung Electronics» компанияси технологияси асосида фаолият юритади. Ускуналарни монтаж қилиш ва лойиҳани ишга туширишга ҳам кореялик мутахассислар жалб қилинган.
Ўрта Осиёда ягона бўлган ушбу лойиҳанинг ўзига хос жиҳатларидан бири бу — бир вақтнинг ўзида 4 та турдаги совиткичларни ишлаб чиқариш имкониятининг мавжудлигидир. Ишлаб чиқариш жараёни 70 фоизга автоматлаштирилган бўлиб, инсон меҳнати фақатгина жараённи бошқариш ва бутловчи қисмларини йиғишда керак бўлади. Бу эса, ҳар 19 сонияда 1 та тайёр маҳсулот ишлаб чиқариш имконини беради.
Лойиҳанинг яна бир ўзига хос жиҳати шундаки, тайёр маҳсулотлар сифат назорати лабораториясидан жуда қисқа вақт ичида ўтказилади, ушбу жараён Samsung компаниясининг технологик ютуқларидан фойдаланган ҳолда, бор-йўғи 7 дақиқа ичида амалга оширилади. Барча синов натижалари марказлашган маълумотлар базасида сақланади.
Корхона йилига 1 млн. дона совиткич ишлаб чиқариш қувватига эга. Бу эса нафақат маҳаллий аҳоли, балки МДҲ давлатларини ҳам халқаро стандартларга жавоб берадиган сифатли маҳсулот билан таъминлаш имконини беради. Унинг йиллик экспорт ҳажми 50 млн. доллардан ортиқ бўлиши кутилмоқда.
Ҳозирда ушбу комплексда 10 турдаги 42 хил модификацияли совиткичлар ишлаб чиқарилмоқда. Корхонани ишга тушириш натижасида 1 500 та янги иш ўринлари яратилди.
Бу ерда ишлаб чиқарилаётган совиткичлар замонавий дизайнга эгалиги, No frost тизими, энергия тежамкорлиги (А+), юқори кучланишга қарши ҳимоя тизимининг мавжудлиги, шунингдек, масофавий smart бошқарув тизимига эга эканлиги билан ажралиб туради.
Бир сўз билан айтганда, Ўзбекистонда юқори қувватли, халқаро стандартларга жавоб берадиган маҳсулотларни ишлаб чиқариш келгусида импорт ҳажмининг камайиб, рақобатбардош миллий маҳсулотларнинг экспорти ортишини таъминлайди. Шунингдек, ЯИМ ҳажмида ишлаб чиқарилаётган саноат маҳсулотлари улуши ортади. Маҳаллий аҳоли, айниқса, ёшларни иш билан таъминлаш имконияти кенгаяди.
Реклама ҳуқуқи асосида.
Изоҳ (0)