Alto Aluminium ва Özgüven ҳамкорлик меморандумини имзолашди

Компаниялар ўртасидаги ҳамкорликнинг симбиози улкан лойиҳани амалга оширишга имкон беради.

Бугунги кунда мамлакатда юзлаб, ҳатто минглаб янги объэктлар бунёд этилмоқда: кўп қаватли турар жой мажмуалари, бизнес марказлари ва савдо-кўнгилочар жойлар. Ушбу объектларни қураётган қурилиш компаниялари тобора замонавий талабларга жавоб берадиган маҳсулотларга эҳтиёж сезмоқда.

Бугунги кунда энг улкан лойиҳалардан бири - бу Tashkent City халқаро ишбилармонлик маркази ҳудудида бунёд этилаётган Nest One осмонўпар биносидир. Nest One кўп функцияли осмонўпар бино, қуриб битказилгандан сўнг, Марказий Осиёдаги энг баланд бинога айланади.

Alto Aluminium бу AKFA компаниялар гуруҳи томонидан ва Kocamanlar Alüminyum (Туркия) билан биргаликда лойиҳалаштириш ва қурилиш соҳасида йирик лойиҳаларни амалга ошириш учун 2020 йилда ташкил этилган қўшма корхона.

Alto Aluminium ва Özgüven Nest One лойиҳасини амалга оширишда ҳамкорлик тўғрисида келишувга эришдилар. Эслатиб ўтамиз, айнан Özgüven (Туркия), Nest One меъморий ва муҳандислик янгиликларининг муаллифи.

Расмий тадбирлар доирасида Alto Aluminium ва Özgüven вакиллари Nest One қурилиш майдонига ташриф буюришди ва келажакдаги осмонўпар бинонинг барпо этилаётган қаватларини кўришди.

Тадбир ҳамкорларнинг келажакдаги осмонўпар бино учун Бельгиянинг Reynaers компаниясининг чизмаларига биноан фасад тизимлари йиғиладиган IMZO автоматизациялаштирилган заводига экскурсия билан давом этди. Дўстларимиз ва шерикларимиз ойна ва эшик конструкцияларини автоматизациялаштирилган тарзда ишлаб чиқаришнинг кенг имкониятларини ўз кўзлари билан кўришди.

Экскурсиялар тугагандан сўнг делегация Hilton меҳмонхонасига йўл олди, у ерда конференс-залларнинг бирида компаниялар ўртасида меморандум имзолашнинг расмий маросими бўлиб ўтди.

– Бугунги учрашувни компанияларимизни ривожлантириш йўлидаги энг муҳим қадам деб биламан, – деди Меморандумни имзолаш маросимида AKFA компаниялар гуруҳи бош директорининг биринчи ўринбосари Камран Ғуломов. – Ҳамкорлик симбиози яқинда бизга архитектура ва қурилиш соҳасида мамлакатимизда ўхшашлари бўлмаган улкан лойиҳани амалга оширишга имкон беради.

Ҳамкорлик меморандумининг имзоланиши қўшма лойиҳаларни амалга оширишга ижобий таъсир қилади ва икки томонлама шерикликни янада самарали қилади. Шунингдек, бу компаниялар ўртасида ўзаро манфаатли ҳамкорликни янада ривожлантиришга ёрдам беради.

Реклама ҳуқуқи асосида.