Бутун дунёда коронавирус инфекцияси билан касалланганлар сони 28 миллион кишидан ошди. Бу ҳақда касаллик тарқалишини реал вақтда кузатиб бораётган Жонс Ҳопкинс университети маълумотларида келтирилган.
Тўрт кун ичида COVID-19 билан касалланганлар сони 1 миллион кишига кўпайган: 27 миллионлик кўрсаткич 7 сентябрь куни қайд этилганди.
Касалланиш бўйича энг кўп ҳолатлар АҚШда қайд этилган — 6,3 миллион. Унинг ортида Ҳиндистон (4,4 миллион) ва Бразилия (4,2 миллион) ўрин олган. Ушбу мамлакатлар коронавирус қурбонлари сони бўйича ҳам етакчилик қилмоқда. АҚШда 191,7 минг киши COVID-19 оқибатида вафот этган бўлса, Бразилияда ушбу кўрсаткич 129,5 мингни, Ҳиндистонда — 75 минг кишини ташкил этмоқда.
COVID-19 билан энг кўп касалланиш ҳолатлари қайд этилган давлатлар ўнталигидан қуйидаги мамлакатлар ҳам ўрин олган:
- Россия — 1,042 миллион;
- Перу — 710 минг;
- Колумбия — 694 минг;
- Мексика — 652 минг;
- ЖАР — 644 минг;
- Испания — 554 минг;
- Аргентина — 524 минг.
Эслатиб ўтамиз, дунёда коронавирусга чалинганлар сони 3 август куни 18 миллионга, 7 август куни 19 миллионга, 10 августда 20 миллионга етган, 15 август куни эса 21 миллиондан, 19 август куни эса 22 миллиондан ошганди. 22 августда бу кўрсаткич 23 миллионга етган. 27 августда 24 миллиондан, 30 августда эса бутун дунё бўйлаб коронавирус инфекцияси билан касалланганлар сони 25 миллион нафардан ошган.
Изоҳ (0)