«Машъал» катта мураббийи Дилявер Ваниев Coca-Cola Суперлига 14-тури доирасида «Сўғдиёна»га қарши кечган ўйиндаги ғалабадан (1:0) кейин ўз фикрлари билан ўртоқлашди.
Ашаддий ва жиддий рақибимизни мағлуб этдик. 1:0 ҳисобида ютдик, лекин рақиб жамоада хавфли вазиятлар анча кўп бўлди. Ўйлашимча, ўйин дуранг билан тугаши лозим эди, аммо омадимиз келди.«Машъал» мазкур ғалабадан кейин очколарини 19 тага етказди ва мусобақа жадвалида 8-ўринда бормоқда. Жамоа кейинги турда «Бунёдкор» билан ўйнайди.«Сўғдиёна»нинг ўйини яхши йўлга қўйилган ва мураббий фалсафаси билиниб турибди. Улар ҳозирги ўринларидан юқорироқ поғонага лойиқ.
Ҳисобни очганимиздан кейин кўпроқ ҳимояда ўйнаганимиз рост. Мен шундай вазифани юкладим. Тактик жиҳатдан устунликни ҳам жуда вақтли бой бериб қўйдик. Голдан кейин иккинчи рақам бўлиб ҳаракат қилдик.
Уй-сафар ёки марказлашган тизимдан қайси бири маъқулроқ? Менга эмас, ҳамма учун адолатли бўлиши керак. Охирги тўртта турни марказлашган тартибда ўтказилса, барча жамоалар учун адолатли бўлган бўларди. Ўшанда ҳеч кимда ортиқча савол қолмайди.
Дилявер Ваниев, «Машъал» катта мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)