Футбол бўйича Ўзбекистон Coca-Cola Суперлиганинг 14-турида «Бухоро» 11 сентябрь, жума куни «Қўқон-1912» билан баҳс юритди.
Муборакда кечган учрашувнинг 1-бўлимида ҳисоб очилмади. Иккинчи бўлим дебютида Жасур Ҳакимов номинал мезбонларни олдинга олиб чиқди. Орадан кўп ўтмай қўқонликлар бунга Александр Мерзляковнинг киритган тўпи билан жавоб қайтарди.
Ўйин якунланиши арафасида қўқонликлар иккинчи голни уришга муваффақ бўлди. 86-дақиқада Сардор Азимов жамоасининг комбинациясини муваффақиятли якунлади. Барчаси меҳмонларнинг ғалабаси томон кетаётган бир вақтда Ҳакимов ҳакам томонидан қўшиб берилган дақиқада ҳисобни тенглаштиришга эришди.
Мазкур ўйиндан кейин «Қўқон-1912» очколарини 26 тага етказиб олган ҳолда 4-ўринда қолди. «Бухоро» (8) эса 13-поғонада бормоқда.
Coca-Cola Суперлига
14-тур баҳси
11 сентябрь, жума
«Бухоро» — «Қўқон-1912» 2:2
Голлар: 1:0 – 52 Ҳакимов, 1:1 – 59 Мерзляков, 1:2 – 86 Азимов, 2:2 – 90+3 Ҳакимов.«Бухоро»: Зафар Сафаев, Миржалол Жумаев, Бобуржон Аманов, Анвар Жўраев (Суҳроб Неъматов 60), Жасур Ҳакимов, Азиз Ибрагимов, Жасур Ҳасанов, Беҳруз Садиллоев (Изатилла Абдуллаев 68), Бекзод Саидов, Эргаш Исмоилов, Максимилиан Фомин.
«Қўқон-1912»: Ботирали Эргашев, Бобуржон Акбаров, Шоҳназар Норбеков (Иқбол Маликжонов 89), Сухроб Бердиев (Сардор Азимов 63), Қувондиқ Рўзиев, Ойбек Рустамов, Мухаммаданас Ҳасанов, Александр Мерзляков, Иван Ёсович, Мурод Холмуҳаммедов, Якуба Бамба (Филип Раевац 63).
Огоҳлантиришлар: Жумаев (12), Исмоилов (15), Ёсович (58), Жўраев (58), Саидов (71), Ибрагимов (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)