Angliyalik sobiq bokschi Alan Minter 9-sentabr, chorshanba kuni 69 yoshida hayotdan ko‘z yumdi.
Sky Sports xabariga ko‘ra, sobiq Jahon chempioni uzoq vaqt davomida onkologik kasalliklardan aziyat chekib kelgan.
Ma’lumot uchun, Minter 1972-yilgi Olimpiadada bronza medalini qo‘lga kiritgan, 1980-yilda esa italiyalik Vito Antuofermo ustidan qozongan g‘alabasi tufayli o‘rta vazn toifasida WBA, WBC kamarlari va The Ring jurnali mukofotiga sazovor bo‘lgan. U bokschilik faoliyatida umumiy hisobda 48 ta jang o‘tkazib, shularning 39 tasida g‘alaba qozongan, 9 tasida imkoniyatni boy berib qo‘ygan. Minter 1981-yilda katta sport bilan xayrlashgandi.
Qayd etish joiz, Alanning o‘g‘li ham professional bokschi bo‘lib, Angliya chempionligini qo‘lga kiritgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)