Футбол бўйича Coca-Cola Суперлига 16-турида «Пахтакор» 8 сентябрь, сешанба куни «Металлург» майдонида меҳмон бўлди.
Учрашувнинг 21-дақиқасида Жавоҳир Сидиқовнинг қанотдан узатган тўпини Драган Черан дарвозага жойлаган ҳолда ҳисобни очди. Биринчи бўлим якунланиши арафасида «шерлар» иккинчи голни урди: Эрен Дердийокнинг узатмасидан кейин Сидиқов ўз ҳисобига гол ёздириб қўйди.
Учрашув якунланиши арафасида ҳисоб йирик кўриниш олди: «Пахтакор»нинг тезкор қарши ҳужумидан кейин Асадбек Собиржонов мавсумдаги илк голини урган ҳолда якуний ҳисобни ўрнатди.
Ушбу ғалабадан кейин «Пахтакор» очколарини 41 тага етказиб олди ва мусобақа жадвалида карвонбошилик қилмоқда. «Металлург» (22) эса 6-ўринни банд этган.
Эслатиб ўтамиз, «Пахтакор»нинг Осиё Чемпионлар Лигасидаги иштироки сабаб мазкур ўйин муддатидан аввал ўтказилди.
Coca-Cola Суперлига
16-тур баҳси
8 сентябрь, сешанба
«Металлург» — «Пахтакор» 0:3
Голлар: 0:1 – 21 Черан, 0:2 – 45+3 Сидиқов, 0:3 – 90+2 Собиржонов.«Металлург»: Александр Лобанов, Аббос Отахонов, Дониёр Нарзуллаев (Тўлқин Эргашев, 73), Саламат Қутибоев (Зоҳид Абдуллаев, 73), Шаҳзод Убайдуллаев (Муродбек Бобожонов, 53), Камолиддин Тожиев, Абдураҳмон Абдулҳақов (Аброр Тошқўзиев, 53), Ихтиёр Тошпўлатов, Станислав Андреев, Даврон Анваров (Худойшукур Сатторов, 64), Евгений Чумак.
«Пахтакор»: Элдор Суюнов, Ҳожиакбар Алижонов (Алишер Салимов, 68), Акром Комилов, Анзур Исмоилов, Драган Черан (Асадбек Собиржонов, 46), Егор Кримец, Достонбек Ҳамдамов (Ҳожимат Эркинов, 76), Аброрбек Исмоилов, Сардор Собирхўжаев (Садриддин Абдуллаев, 68), Эрен Дердийок, Жавоҳир Сиддиқов.
Огоҳлантиришлар: Абдулҳақов (31), Алижонов (40), Отахонов (45+1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)