«Барселона» бош мураббийи Рональд Куман жамоа ҳужумчиси Лионель Мессининг майдондаги роли борасида бир қарорга келди, дея хабар қилмоқда Mundo Deportivo.
Таъкидланишича, мутахассис Мессини яширин ўнг қанот вингери ролида кўрмоқда. Куманнинг фикрича, Месси у ерда ҳужумнинг барча чизиқларида алмашиб ҳаракат қилади. Аргентиналик футболчи ҳимояга қаратилган ҳаракатлардан озод этилади, шунингдек, Куман Лионелнинг тўпга эга чиқиш мақсадида марказга силжишини тўхтатмоқчи. Бу функциялар марказий ярим ҳимоячиларга юклатилади, Месси эса олдинги чизиқда узатма кутади.
7 сентябрь куни Месси нидерландиялик мутахассис қўл остидаги илк машғулотни ўтказди.
Эслатиб ўтамиз, Месси август ойида «Барселона»дан кетиш қарорига келгани ҳақида клуб раҳбариятига маълум қилди. Месси шартномасида кўрсатилган клубни текинга тарк этиш бандини фаоллаштирмоқчи бўлди. Бироқ каталон клуби мазкур банд июль ойида ўз кучини йўқотгани ва футболчини текинга қўйиб юбормаслигини маълум қилди. Оқибатда 33 ёшли футболчи жамоа билан судлашишни истамади ва 2021 йилги шартномаси тугагунга қадар «Барселона»да қолишга қарор қилди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)