«Реал» ярим ҳимоячиси Хамес Родригес фаолиятини «Эвертон» клубида давом эттиради. Бу ҳақда мерсисайдликлар матбуот хизмати маълум қилди.
Колумбиялик футболчи «Эвертон» билан «2+1» кўринишидаги шартнома имзолаган. Аввалроқ трансфер 25 миллион еврога баҳолангани хабар қилинганди.
Хамес Ла Лига 2019/20 йилги мавсумида 8 та ўйин ўтказиб, биттадан гол ва голли узатмага муаллифлик қилди.
Хамес мадридликлар сафига 2014 йилда «Монако»дан келиб қўшилганди. Орада у икки мавсумни «Бавария» сафида ижарада ўтказди.
Футболчининг инглиз клубига ўтишида асосий омил «Эвертон» устози Карло Анчелотти бўлди. Италиялик мутахассис Хамес билан «Реал» ва «Бавария»да бирга ишлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)