ПСЖ клуби ва Франция терма жамоаси ҳужумчиси Килиан Мбаппенинг коронавирусга топширган тести ижобий натижани кўрсатди. Бу ҳақда Франция терма жамоаси матбуот хизмати маълум қилди.
Айни дамда 21 ёшли футболчи терма жамоа йиғинида бўлиб турибди. Ижобий таҳлиллар сабаб у Хорватияга қарши ўйинни ўтказиб юборади ва клуб тасарруфига қайтади.
Аввалроқ Неймар, Мауро Икарди, Анхель ди Мария, Леандро Парадес ва Кейлор Навас каби ПСЖ футболчиларида коронавирус аниқланганди.
Париж клуби 10 сентябрь куни Лига 1 доирасида «Ланс»га қарши ўйин ўтказиши белгиланган, бироқ мазкур ҳолат сабаб ушбу ўйинни ўтказиш масаласи савол остида қолмоқда.
ПСЖ Чемпионлар Лигасидаги иштирок сабаб Франция чемпионатининг дастлабки икки турини ўтказиб юборганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)