Ўзбекистонда рўйхатдан ўтган ташкилот сертификатини қалбакилаштириб, бакалавриат таълим йўналишларига ўқишга ҳужжат топширган шахслар қўлга олинди, дея хабар бермоқда Бош прокуратура «Дарё»га.
Маълум қилинишича, Бош прокуратура ҳузуридаги департаментнинг Юнусобод туман бўлими томонидан Вазирлар Маҳкамаси ҳузуридаги Давлат тест марказининг мурожаатига асосан терговга қадар текширув ўтказилган.
Текширув давомида фуқаролар С.А., Ф.Й. ва Х.А. тест синовлари мажмуасига чет тили фани киритилган бакалавриат таълим йўналишларига ҳужжат топширган ва сертификатнинг муайян даражаларига эга бўлган абитуриентларга ушбу фандан имтиҳонларсиз белгиланган максимал балл берилганлигидан фойдаланиш мақсадида, www.abitur.dtm.uz сайти орқали чет эл ваколатли хайрия органининг Ўзбекистонда рўйхатдан ўтган ташкилоти сертификатини қалбакилаштириб, бакалавриат таълим йўналишларига ўқишга ҳужжат топширгани аниқланган.
Мазкур ҳолат юзасидан С.А., Ф.Й. ва Х.А.га нисбатан Жиноят кодексининг 228-моддаси 1 ва 3-қисми (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Ўзбекистондаги имтиҳонларнинг 2-куни 6 нафар сохта абитуриент аниқланиб, 75 нафар абитуриент эса имтиҳон жараёнида тестдан четлатилган
- ДТМ интернетда суратлари тарқалган тестлар бўйича абитуриентларга чора кўрилганини билдирди
- ДТМ жавоби бўялмаган ёки барча катаклар бўялган саволга нега балл берилганига изоҳ берди
Изоҳ (0)