Футбол бўйича УЕФА Миллатлар Лигасининг 2-туридан ўрин олган 6 сентябрь, якшанба кунги ўйинлар ўз якунига етди.
Испания терма жамоаси ўз уйида Украинани қабул қилди ва йирик ҳисобдаги ғалабани қўлга киритди. Испанлар илк дақиқалардаёқ пенальти ишлаб олди, уни Серхио Рамос муваффақиятли бажарди. 29-дақиқада Рамос боши билан украинлар дарвозасини ишғол этган ҳолда, дублини нишонлади.
Орадан уч дақиқа ўтиб Ансу Фати узоқ масофадан аниқ зарба йўллаб, Испания терма жамоаси сафидаги дебют голини урди. 84-дақиқада Ферран Торрес испанларнинг тўртинчи голини урди.
Параллел кечган учрашувда Германия терма жамоаси Швейцарияга қарши баҳс юритди. 14-дақиқада Илкай Гундўған жарима майдони ташқарисидан дарвозани ишғол қилди. Бунга майдон эгалари 58-дақиқада Сильван Видмернинг голи билан жавоб қайтарди.
Шу тариқа немислар мусобақадаги ғалабасиз юришини давом эттирди. А Лига 4-гуруҳида 2-турдан кейин Испания 4 очко билан пешқадамга айланди. Украина (3) иккинчи ўриндан жой олган бўлса, Германия (2) ва Швейцария (1) кейинги поғоналарни банд этган.
УЕФА Миллатлар Лигаси
2-тур баҳслари
6 сентябрь, якшанба
Испания — Украина 4:0
Голлар: 1:0 – 3, пенальти Рамос, 2:0 – 29 Рамос, 3:0 – 32 Фати, 4:0 – 84 Ферран Торрес.Испания: Де Хеа, Регилон, Рамос (Эрик Гарсия, 61), Навас, Пау Торрес, Мерино, Тиаго Алькантара, Олмо, Родри (Оскар Родригес, 69), Фати, Херар Морено (Ферран Торрес, 74).
Украина: Пятов, Кривсов, Матвиенко, Тимчик, Зинченко, Малиновский, Михайличенко, Марлос (Циганков, 56), Харатин (Сидорчук, 63), Ярмоленко (Коваленко, 79), Яремчук.
Огоҳлантиришлар: Родри (37), Малиновский (77), Коваленко (90).
Швейцария — Германия 1:1
Голлар: 0:1 – 14 Гюндоган, 1:1 – 57 Видмер.Швейцария: Зоммер, Видмер, Бенито, Эльведи, Аканжи, Жака, Соу (Эбишер, 80), Штеффен, Родригес (Субер, 64), Сеферович, Эмболо (Варгас, 73).
Германия: Лено, Керер, Зюле (Та, 62), Рюдигер, Гозенс (Жан, 78), Дракслер, Кроос, Сане (Брандт, 46), Гундўған, Гинтер, Вернер.
Огоҳлантиришлар: Зюле (30), Штеффен (49).
Мальта — Латвия 1:1
Голлар: 1:0 – 15 Нвоко, 1:1 – 25, автогол Гиёме.Косово — Греция 1:2
Голлар: 0:1 – 2 Лимниос, 0:2 – 51 Сиовас, 1:2 – 82 Бериша.Сербия — Туркия 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)