Футбол бўйича УЕФА Миллатлар Лигасининг 2-туридан ўрин олган 6 сентябрь кунги бир қатор ўйинлар якунланди.
Уэльс терма жамоаси ўз уйида Болгарияни қабул қилди. Унда майдон эгалари ҳакам томонидан қўшиб берилган вақтдаги гол эвазига ғалаба қозонди. Захирадан майдонга тушган 19 ёшли Неко Уильямснинг ягона голи уэлсликларга уч очко тақдим этди.
Райан Гиггз шогирдлари ортда қолган икки турдаги ғалаба эвазига олти очко билан B Лига 4-гуруҳида карвонбошилик қилмоқда.
Россия терма жамоаси эса Венгрияга сафар қилди. Учрашувнинг 15-дақиқасида Антон Миранчук русларни олдинга олиб чиққан бўлса, 33-дақиқада Магомед Оздоев иккинчи голни урди.
Иккинчи бўлим дебютида Марио Фернандес ҳисобни йирик кўринишга олиб келди. Бунга мезбонлар Роланд Шаллаи ва Неманя Николичнинг киритган тўплари билан жавоб қайтарди.
Шу тариқа Россия очколарини 6 тага етказиб олган ҳолда B Лига 3-гуруҳи пешқадамига айланди.
УЕФА Миллатлар Лигаси
2-тур баҳслари
6 сентябрь, якшанба
Уэльс — Болгария 1:0
Гол: 1:0 – 90+4 Неко Уильямс.Уэльс: Ҳеннесси, Ампаду, Локер, Дэвис, Роберц (Неко Уильямс, 65), Моррелл, Брукс (Уильямс, 76), Смит, Жеймс, Бэйл, Мур (Робсон-Кану, 61).
Болгария: Георгиев, Недялков, Сисиньо, Димитров, Карабелев, Иванов (Делев, 70), Неделев (Крастев, 82), Костадинов, Краев (Илиев, 61), Карагарен, Горанов.
Огоҳлантиришлар: Костадинов (43), Смит (60), Уильямс (85).
Венгрия — Россия 2:3
Голлар: 0:1 – 15 Миранчук, 0:2 – 33 Оздоев, 0:3 – 46 Фернандес, 1:3 – 62 Шаллаи, 2:3 – 70 Николич.Венгрия: Гулачи, Ланг, Салаи, Орбан, Беше, Собослаи (Чери, 82), Над, Холендер, Шигер (Калмар, 46), Шаллаи, Салаи (Николич, 67).
Россия: Шунин, Фернандес, Семёнов, Кудряшов, Жикия, Ионов (Караваев, 75), Оздоев, Кузяев (Жирков, 57), Зобнин, Миранчук (Газинский, 67), Дзюба.
Огоҳлантиришлар: Зобнин (25), Шигер (42).
Андорра — Фарер ороллари 0:1
Гол: 0:1 – 31 Ольсен.Словения — Молдова 1:0
Гол: 1:0 – 28 Бохар.Ирландия — Финляндия 0:1
Гол: 0:1 – 63 Йенсен.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)