Xiaomi компанияси ва Mijia бренди қайдлар ҳамда сурат чизишга мўлжалланган катта LCD Blackboard планшетини тақдим этди. Планшетга диагонали 20 дюймли экран ўрнатилган бўлиб, уни стилус ёрдамида бошқариш мумкин, деб хабар беради «Afisha.uz».
Ишлаб чиқарувчининг маълум қилишича, гаджет ўз синфига кирувчи қурилмаларга нисбатан оғирлиги ва корпусининг қалинлиги борасида катта кўрсаткичга эга эмас. Шунингдек, планшет бир марта қувватланиш орқали бир йил ишлай олади.
LCD Blackboard дисплейи суюқ кристаллар асосида яратилган бўлиб, ундан узоқ фойдаланиш ҳам кўз учун хавфсиз. Экран тегиниш кучини сезади, ёзувларни киритиш учун стилусдан ёки бошқа қулай воситалардан фойдаланиш мумкин.
Хитойда 20 дюймли LCD Blackboard версиясини 149 юанга (22 доллар) харид қилиш мумкин.
Эслатиб ўтамиз, шу йилнинг март ойида Apple компанияси LiDAR сенсорли учталик камера эга iPad Pro’ни тақдим этганди.
Изоҳ (0)