Иккита экранга эга LG Wing смартфони 14 сентябрь куни тақдим этилади (видео)

LG компанияси иккита экранга эга ноодатий смартфони — LG Wing 14 сентябрь куни тақдим этишини маълум қилди, деб хабар беради IXBT.

Миш-мишларга кўра, қурилманинг асосий экран диагонали 6,8 дюймни ташкил этади, квадрат кўринишидаги остки экран диагонали эса 4 дюймга тенг. LG Wing бир кристалли Snapdragon 765 ёки 765G тизими базасида ишлайди. Асосий камерага 64 мегапикселли датчик ўрнатилади.

Қўшимча дисплейда клавиатура, шунингдек, асосий экрандаги контентга боғлиқ қўшимча маълумотлар тасвирланиши мумкин. Масалан, кичкина экранда сурат ёки видеороликларни таҳрирлаш созламалари ўрин олади. Бундан ташқари, асосий экран орқали навигация иловасини ишга тушириш, иккинчи экран орқали эса қўнғироқларга жавоб бериш ёки мусиқа тинглаш мумкин бўлади. Шу билан бирган, YouTube орқали тўлиқ экранли видеоларни кўриш қўшимча дисплейда изоҳларни ўқиш мумкин.

Тасдиқланмаган хабарларга кўра, қурилма 850 доллар атрофида сотувга чиқади.

Аввалроқ LG минг доллар эвазига ноёб смартфон тақдим этишга тайёрланаётгани тўғрисида хабар берилганди.