realme бренди янги ҳамёнбоп смартфонларни тақдим этди: realme 7 ва 7 Pro. Қурилмалар ташқи кўриниши билан бир-биридан деярли фарқ қилмайди — дизайни, юқори чап бурчакдаги фронтал камера, тўртта камераси ўхшаш. Фарқ уларнинг ичида, деб хабар беради GSMarena.
realme 7
Линейкадаги кичик смартфон 2400х1080 пикселга эга ва 90 герц частотали (сенсор частотаси — 120 герц), диагонали 6,5 дюймга тенг IPS экран билан жиҳозланган. Дисплей Gorilla Glass ҳимоя ойнаси билан қопланган бўлиб, фронтал панелнинг 90,5 фоизини эгаллайди.
Смартфон ичига MediaTek Helio G95 процессори, 6/8 гигабайт тезкор ва 64/128 ички хотира ўрнатилган. Аккумулятор сиғими 5000 мА/соатга тенг ва 30 Вт тезкор зарядланишни қўллаб-қувватлайди. Ҳимоя учун қувватлантириш тугмасида жойлашган бармоқ изи сканери ва юзни таниш тизими жавоб беради.
Камеранинг асосий блокидан 64 мегапикселли датчик, 8 мегапикселли кенг бурчакли ва қўшимча 2 мегапикселли иккита модул ўрин олган. Фронтал камераси эса 16 мегапикселлни ташкил этади.
Ҳиндистонда realme савдоси 10 сентябрдан бошланади.realme 7 Про
Сериянинг катта модели бироз кичикроқ диагоналли AMOLED дисплейга эга бўлган: 6,4 дюйм. Пикселлар сони 2400х1080, тасвирни янгилаш частотаси — 60 герц. Дисплей смартфон панелининг 90,8 фоизини эгаллаган. Бармоқ изи сканери экран остида жойлашган.
Қурилманинг ишлашига Snapdragon 720G процессори, 6/8 гигабайт тезкор ва 128 гигабайт ички хотира жавоб беради. Катта моделнинг батарея сиғими 4500 мА/соатга тенг, бироқ тезкор қувватланиш 65 ваттга қадар «кўтарилган». SuperDart технологияси шарафига аккумулятор 34 дақиқага тўлиқ қувват олади.
Асосий камера блоки кичик моделники билан бир хил. Фақат фронтал камераси 32 мегапикселлга тенг.
realme 7 ва 7 Pro’нинг расмий нархлари:
- realme 7 6/64 Гб — 205 доллар;
- realme 7 8/128 Гб — 230 доллар;
- realme 7 про 6/128 Гб — 270 доллар;
- realme 7 про 8/128 Гб — 300 доллар.
Изоҳ (0)