Samsung компанияси 1 сентябрь куни расман Galaxy Z Fold 2 смартфонини тақдим этди ва унинг савдолари қачон бошланишини маълум қилди, деб хабар беради IXBT.
Шу билан бирга, компаниянинг 3300 долларлик энг қиммат версиясини ҳам тақдим этилган — Galaxy Z Fold 2 Thom Browne Edition. Бу каби нарх ажойиб қути ва ранги учун эмас. Смартфон жамланмасидан қўшимча тасмали Galaxy Watch 3 «ақлли» соати, смартфон учун ғилоф ҳамда тўлиқ симсиз Galaxy Buds Live наушниклари ўрин олган.
Samsung шу куннинг ўзида Galaxy Z Fold 2 Thom Browne Edition учун буюртмаларни қабул қилишни бошлаган, бироқ етказиб бериш ой охирида — 25 сентябрдан бошланади. Бу турдаги смартфонлардан жами 5000 нусха яратилади.
Эслатиб ўтамиз, июнь охирларида Samsung Galaxy Fold 2 қандай дизайнга эга бўлиши маълум қилинганди. Galaxy Fold 2’да 6,23 дюймли ва ингичка ҳошияга эга 819х2267 пикселли панел ўрнатилган. Унда ҳам камера учун мўлжалланган қирқим мавжуд.
Изоҳ (0)