Навоий вилоятининг Қизилтепа туманида Isuzu юк машинаси ва велосипед тўқнашуви оқибатида велосипед ҳайдовчиси вафот этди. Бу ҳақда «Дарё»га вилоят ИИБ ЙҲХБ матбуот гуруҳи катта инспектори Фарруҳ Якубов хабар берди.
2020 йилнинг 2 сентябрь куни соат 15:20 да Қизилтепа тумани ҳудудидан ўтувчи М-37 автомобиль йўлининг 210 километрида Isuzu юк машинаси ҳамда велосипед тўқнашуви содир бўлган.
Йук машинасини бошқариб кетаётган ҳайдовчи М.М. велосипедда ҳаракатланиб келаётган 65 ёшли фуқаро М.С.ни уриб юборган. Велосипед ҳайдовчиси эса олган тан жароҳати оқибатида воқеа жойида вафот этган.
Айни пайтда ҳолат юзасидан тергов ҳаракатлари олиб борилмоқда.
Эслатиб ўтамиз, аввалроқ Бухоро вилоятининг Ромитан туманида Toyota’да тўйга кетаётган фуқаро бошқарувни йўқотиб, йўл-транспорт ҳодисасига учрагани, оқибатда икки киши вафот этгани хабар берилганди. Тошкентда 18 ёшли йигит эса Lacetti’да ёш она ва унинг 2 ёшли қизини уриб кетганди. Жабрланувчилар воқеа жойида вафот этган.
Изоҳ (0)