УЕФА Миллатлар Лигасидан ўрин олган Чехия ва Шотландия терма жамоалари ўртасидаги учрашув Чехияда коронавирус инфекцияси авж олгани туфайли номаълум муддатга қолдирилди.
Чехия футбол федерациясининг хабарига кўра, терма жамоа йиғинидаги футболчиларнинг барчасига жавоб бериб юборилган.
Қайд этиш жоиз, сўнгги бир неча кун ичида Чехияда касалланиш бўйича рекорд кўрсаткичлар қайд этилган, шу сабабли учрашувни ўтказиш спортчилар ва мураббийларнинг соғлиғига хавф туғдиради деган фикрга келинган. Ўйиннинг янги санаси ва вақти ҳали эълон қилинмаган.
Чехия ва Шотландия ўртасидаги учрашув 7 сентябрь куни ўтказилиши керак эди. Гуруҳ босқичининг биринчи учрашувида Чехия Словакияни мағлуб этган бўлса (3:1), Шотландия Исроил билан муроса йўлини танлаган (1:1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)