«Барселона» ҳужумчиси Лионель Месси каталон клубини тарк этиш қарорига оиласи қандай муносабат билдирганини айтиб ўтди.
Турмуш ўртоғим ва болаларга кетиш хоҳишим борлигини айтганимда оғир драма содир бўлди. Бутун оилам йиғлади, болаларим Барселонадан кетишни, мактабни алмаштиришни хоҳламади. Бироқ мен олдинга назар солишда давом этардим. Юқори даражада ўйнашни хоҳлайман, совринлар ютишни, Чемпионлар Лигасида рақобатлашишни истайман.Эслатиб ўтамиз, август ойида Месси «Барселона»ни тарк этишга қарор қилгани ҳақида клуб раҳбариятини огоҳлантирди. Бироқ томонлар масалани тинч йўл билан ҳал қила олмади. 4 сентябрь куни Месси Goal нашрига берган интервьюсида «Барселона»да қолишини ва клубнинг ҳурмати учун судлашиб ўз ҳаққини талаб қилмаслигини маълум қилди.Матео (Мессининг иккинчи ўғли) ҳали ёш, у бошқа ерга кўчиб кетиш ва у ерда бир неча йил яшаш нима эканини билмайди. Тиаго (Леонинг катта ўғли) телевизордан ниманидир эшитиб қолди ва менга савол берди. Уни бошқа ерда яшаш ва янги мактабда ўқишга мажбурлаётгандек кўриниб қолмасликка уриндим. У йиғлади ва ҳеч қаерга кетмаслигини айтди. Бу жуда оғир эди.
Болаларим шу ерда ўсди. Кетиш истагида ҳеч қандай ёмон жиҳат йўқ. Бу менга керак эди, клуб учун лозим эди ва бу ҳамма учун яхши бўларди. Турмуш ўртоғим қалбидаги оғриққа қарамай мени қўллаб-қувватлади.
Лионель Месси, «Барселона» футболчиси
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)