Ўзбекистон Ички ишлар вазирлиги абитуриентларга қай ҳолатларда имтиҳондан четлатилиш мумкинлигини эслатиб ўтди.
Қайд этилишича, Вазирлар Маҳкамасининг «Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги» низомда тест топшириш тартиб-қоидалари белгиланган.
Ҳужжатга кўра, абитуриент тест синовлари ўтказиладиган ҳудудга ёки бинога киришда микрокалкулятор, луғат, жадвал, китоб, уяли телефон, компьютер, телекоммуникация қурилмалари ва бошқа воситалар, шпаргалкалар олиб киришга ҳаракат қилса, олиб кирган бўлса ёки улардан тест синовлари давомида фойдаланса, у имтиҳондан четлаштирилади.
Шу билан бирга, тест материалларини бошқа абитуриентга узаца ёки ёрдам берса, уларни бинодан ташқарига олиб чиқса, тест топшириқлари китоби варағини йирца ёки тест синовлари учун ажратилган вақт тугаганидан сўнг тест материалларини топширишдан бош тортса, жараёнда видеокузатув орқали абитуриентнинг тартиб ва қоидаларга амал қилмаганлиги аниқланса ҳам тестдан четлаштирилиши ва унинг натижаси чиқарилмаслиги мумкин.
Аввалроқ Ўзбекистонда бўлиб ўтаётган имтиҳонларнинг илк кунида 59 нафар абитуриент, иккинчи куни эса 115 нафар абитуриент тестдан четлаштирилгани, кириш имтиҳонларининг биринчи кунидаёқ телефондан фойдаланиш ҳолатлари кузатилгани ҳақида хабарлар берилганди.
Изоҳ (0)