Бразилияда коронавирус билан касалланганлар сони 4 миллион кишидан ошди. Бу ҳақда мамлакат Соғлиқни сақлаш вазирлиги хабар берди.
Маълумотларга кўра, ўтган бир сутка ичида COVID-19 билан яна 43 733 киши касалланган. Мамлакатда эпидемия бошланганидан буён 124 614 киши вафот этган (бир суткада 834 киши), 3 247 610 киши соғайган.
Жонс Ҳопкинс университети маълумотларига кўра, Бразилия коронавирус билан касалланганлар сони бўйича дунёда иккинчи ўринда кетмоқда. Биринчи ўринни АҚШ 6,1 миллиондан ортиқ касалланиш ҳолати билан қайд этган. Учинчи ўринда эса Ҳиндисон — 3,8 миллиондан ортиқ бемор.
Эслатиб ўтамиз, дунёда коронавирусга чалинганлар сони 27 августда 24 миллиондан, 30 августда 25 миллиондан, 3 сентябрь куни эса бутун дунё бўйлаб коронавирус инфекцияси билан касалланганлар сони 26 миллион кишидан ошган.
Изоҳ (0)