«Барселона» ҳужумчиси Лионель Мессининг отаси ва агенти Хорхе Месси каталон клуби президенти Хосеп Бартомеу билан учрашди.
Музокаралар жараёнида «Барселона» президенти Месси жамоани текинга тарк этиши мумкинлиги ҳақидаги банд 10 июндан ўз кучини йўқотганини маълум қилган. Бартомеу «Барселона» Мессини сотиш борасида музокаралар олиб бормаслиги ва Лео клуб қураётган лойиҳанинг асосий бўлаги эканини айтган.
Бундан ташқари, Бартомеу Мессининг клуб билан амалдаги шартномаси борлигини алоҳида таъкидлаб ўтган. Функционернинг фикрича, Месси машғулотларда қатнашишга мажбур, дея ёзади Marca.
Мессининг отаси эса футболчи жамоасини ўзгартирмоқчи экани ҳақида айтган. Айрим хабарларга кўра, томонлар бу масалада бир тўхтамга кела олмаган.
Аввалроқ аргентиналик футболчи «Манчестер Сити»га ўтишни истаётгани ва «шаҳарликлар» билан шартнома борасида келишувга эришгани хабар қилинганди.
Мавзуга доир:
- Лионель Месси Ла Лига стартидан кейин ҳам «Барселона»га қайтмаслигини маълум қилди
- «Манчестер Сити» Лионель Мессининг тақдимот маросимига тайёрланмоқда
- «Барселона» президентлигига номзод: «Клуб Месси олдидаги ваъдасини бажара олмади»
- Испаниялик журналист Лионель Мессини футбол тарихидаги энг катта сотқинликда айблади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)