“Barselona” hujumchisi Lionel Messining otasi va agenti Xorxe Messi katalon klubi prezidenti Xosep Bartomeu bilan uchrashdi.
Muzokaralar jarayonida “Barselona” prezidenti Messi jamoani tekinga tark etishi mumkinligi haqidagi band 10-iyundan o‘z kuchini yo‘qotganini ma’lum qilgan. Bartomeu “Barselona” Messini sotish borasida muzokaralar olib bormasligi va Leo klub qurayotgan loyihaning asosiy bo‘lagi ekanini aytgan.
Bundan tashqari, Bartomeu Messining klub bilan amaldagi shartnomasi borligini alohida ta’kidlab o‘tgan. Funksionerning fikricha, Messi mashg‘ulotlarda qatnashishga majbur, deya yozadi Marca.
Messining otasi esa futbolchi jamoasini o‘zgartirmoqchi ekani haqida aytgan. Ayrim xabarlarga ko‘ra, tomonlar bu masalada bir to‘xtamga kela olmagan.
Avvalroq argentinalik futbolchi “Manchester Siti”ga o‘tishni istayotgani va “shaharliklar” bilan shartnoma borasida kelishuvga erishgani xabar qilingandi.
Mavzuga doir:
- Lionel Messi La Liga startidan keyin ham “Barselona”ga qaytmasligini ma’lum qildi
- “Manchester Siti” Lionel Messining taqdimot marosimiga tayyorlanmoqda
- “Barselona” prezidentligiga nomzod: “Klub Messi oldidagi va’dasini bajara olmadi”
- Ispaniyalik jurnalist Lionel Messini futbol tarixidagi eng katta sotqinlikda aybladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)