“Barselona” hujumchisi Lionel Messi “Manchester Siti”ga egalik qiladigan City Football Group bilan kelishuvga erishdi. Bu haqda Daily Record’ga asoslanib Sport24 xabar qilmoqda.
Manbada aytilishicha, tomonlar 700 million yevrolik shartnoma borasida kelishuvga erishgan. 33 yoshli futbolchi uch mavsumni “Manchester Siti” safida o‘tkazadi, shundan keyin Leo “Nyu-York Siti” safiga yo‘l oladi va u yerda ikki yil o‘ynaydi.
Ta’kidlanishicha, Messiga kompaniyadan ulush taklif qilingan, biroq futbolchi City Football Group aksiyalari bilan bog‘liq qiyin vaziyat sabab pul bilan hisob-kitob qilishlarini istashi mumkin.
Avvalroq “Manchester Siti” Messining transferiga pul sarflashga to‘g‘ri keladigan bo‘lsa, ushbu transferdan voz kechishi haqida xabar qilingandi. Keyinchalik “shaharliklar” ustozi Xosep Gvardiola argentinalik futbolchi “Barselona”da qolishni maslahat bergani haqida xabarlar tarqaldi. Mavzuga doir:- Lionel Messi La Liga startidan keyin ham “Barselona”ga qaytmasligini ma’lum qildi
- “Manchester Siti” Lionel Messining taqdimot marosimiga tayyorlanmoqda
- Lionel Messi “Barselona”ni tekinga tark etish uchun yuristlardan yordam so‘radi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
