Наманганда патруль-пост хизмати ходимлари вилоят марказидаги меҳрибонлик уйида тарбияланаётган болаларни Мустақиллик байрами билан табриклаб, китоб ва ўқув қуроллари тақдим этди. Бу ҳақда «Дарё»га вилоят ИИБ матбуот хизмати маълум қилди.
Болалар билан самимий мулоқот уюштирилиб, жанговар тайёргарлик билан боғлиқ саҳна кўринишлари намойиш этилди.
Меҳрибонлик уйида бошланган байрам шукуҳи Наманган кўчаларида ҳам давом этди. Пиёда патруллар йўлда учраган наманганликларни огоҳлантириш ёки ниқобларни тақмаганлиги учун эмас, балки байрам тилаклари битилган табрикномаларни тақдим этиш учун тўхтатди.
Наманганликларни айём билан табриклашда автопатруллар хам четда қолгани йўқ. Кечки хизматга сафарбар этилган ходимлар вазифасини бажаришга киришишдан аввал Наманган шаҳрининг марказий кўчаларида автокарвон уюштириб, овоз кучайтиргичлар ёрдамида аҳолини байрам билан табриклади.
Изоҳ (0)