Шавкат Мирзиёев 31 август куни Мустақиллик майдонига ташриф буюриб, Мустақиллик ва эзгулик монументи пойига гулчамбар қўйди, деб хабар бермоқда Президент матбуот хизмати.
Таъкидланишича, давлат раҳбари Ўзбекистон мустақиллигининг йигирма тўққиз йиллик байрами муносабати билан йиғилганларни табриклади.
Шунингдек, Олий Мажлис Сенати ва Қонунчилик палатаси, Президент администрацияси, Вазирлар Маҳкамаси, вазирлик ва идоралар, пойтахт жамоатчилиги вакиллари ҳам монумент пойига гуллар қўйган.
Эслатиб ўтамиз, Ўзбекистонда коронавирус эпидемияси тарқалишининг олдини олиш мақсадида 23 мартдан эътиборан оммавий тадбирлар ўтказилиши тақиқланган эди. 29 август куни Республика махсус комиссияси мамлакат аҳолисига мурожаат билан чиқди ва Мустақиллик байрамини ҳам кўпроқ оила даврасида нишонлашни ташкил этиш мақсадга мувофиқ, деган қарорга келинганини маълум қилди. Шу куни Тошкент шаҳри ва вилоятлар марказида мушакбозликлар чекланади.
Изоҳ (0)