ПСЖ ҳужумчиси Неймар францияликлар сафида қолишини маълум қилди.
Мен ПСЖда қоламан. Чемпионлар Лигаси финалига қайтиб, у ерда ғолиб чиқиш ниятидаман. Клуб тарихига кирмоқчиман, бу ғоя менга мотивация беради. Менга совринлар ютиш ёқади, айниқса қийин ўйинларда.Неймар коронавирус сабаб муддатидан аввал якунланган Франция чемпионатининг 2019/20 йилги мавсумида 15 та ўйин ўтказиб, 13 та гол ва 6 та голли узатма муаллифига айланди.Клуб тарихига кириш учун қўлимдан келган барча ишни қиламан. Менинг ягона ўйим, энг муҳим нарса — бу жамоадошларим билан бирга Чемпионлар Лигасидаги ғолиблик. Шахсий совринлар мени қизиқтирмайди, фақат жамоавий ютуқлар муҳим.
Илк кунданоқ ПСЖ учун бор кучимни сарфлаб келаман. Ҳар доим шерикларим учун майдонда боримни беришга интилганман.
Ўтган ёзда қийин онларни бошдан кечирдим, бироқ ўзимга ўзим панд бермадим. Майдонга қайтганимдан кейин нималарга дуч келишимни билардим, аммо майдонда максимал кучимдан кўпроғини кўрсатишга ҳаракат қилдим. Ўшандан кейин ҳаммаси тўғри йўналишга қайтди.
Умид қиламанки, ПСЖ ўсишда давом этади. Биз ҳали ўзимизда йўқ совринларни қўлга киритишни истаймиз. Бу клуб тарихига кириш имконини беради.
Неймар, ПСЖ футболчиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)