«Манчестер Сити» Лионель Мессига 500 млн евролик шартнома таклиф қилди

«Барселона» ҳужумчиси Лионель Месси «Манчестер Сити»га ўтадиган бўлса, унинг маоши қанча бўлиши маълум қилинди.

beIN Sports журналисти Танкреди Палмерининг хабарига кўра, «шаҳарликлар» аргентиналик футболчи билан тузилажак беш йиллик шартнома учун 500 миллион евро сарфлайди.

Ҳужумчининг йиллик маоши 50 миллион еврони ташкил этади.

Журналистнинг қайд этишича, Месси «Манчестер Сити»даги уч йиллик фаолияти ва ундан кейин «Нью-Йорк Сити»га йўл олгани учун 250 миллион евролик бонусга эга бўлади. Футболчи АҚШда яна икки йил ўйнаб беришига тўғри келади.

Аввалроқ Месси фаолиятини «Манчестер Сити»да давом эттиришни истаётгани ва томонлар деярли келишувга эришгани ҳақида хабарлар тарқалганди. Бироқ каталон клуби ўз етакчисини осонликча қўйиб юбориш ниятида эмас.