Ўзбекистонлик ярим ҳимоячи Жасур Жалолиддинов «Локомотив» футболчиси сифатида Россия Премьер Лигаси (РПЛ) рўйхатидан ўтказилди.
Бу ҳақда лига расмий сайтида маълум қилинди. 18 ёшли футболчи 28 август куни рўйхатга олинган.
Шу тариқа Жасур 30 август куни бўлиб ўтадиган «Зенит»га қарши ўйиндаёқ «Локомотив» сафидаги дебютини нишонлаши мумкин.
Эслатиб ўтамиз, «Локомотив» легионерларга қўйилган чеклов сабаб Жалолиддиновни РПЛ рўйхатидан ўтказа олмаётганди.
Жалолиддинов июль ойида «Локомотив» сафига бориб қўшилди ва клуб билан 5 йиллик шартнома имзолади. Аввалроқ Жалолиддинов «Локомотив» клуби Жасур трансфери учун 1 миллион евродан ортиқ маблағ сарфлаши ва бу миқдорнинг 100 минг евроси «Бунёдкор»га тегиши ҳақида хабар қилинганди.
Жасур Жалолиддинов — 2002 йил 15 майда Навоийда туғилган. 2018 йил 2 август санасида «Бунёдкор» сафида Суперлига доирасида дебют ўйинини «Қўқон-1912»га қарши ўтказган. У дебют қилган вақтда 16 ёш 80 кунлик эди. Бу орқали у Ўзбекистон чемпионатида майдонга тушган энг ёш футболчига айланганди. 2019 йил октябрида The Guardian талқинига кўра, дунёнинг энг истеъдодли 60 футболчиси рўйхатида қайд этилган. 2019 йил якунларига кўра, Суперлиганинг энг яхши ўйинчиси деб топилган. 2019 йил декабрида Италиянинг «Беневенто» клуби кўригида бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)