«Арсенал» ва «Ливерпуль» жамоалари 29 август, шанба куни Англия Суперкубогида ўзаро баҳс юритди.
Учрашувнинг биринчи бўлими ўртача темпда бошланди. 12-дақиқада Пьер-Эмерик Обамеянг жарима майдони ташқарисидан аниқ зарба йўллаб, чиройли голга муаллифлик қилди.
Иккинчи бўлим «қизиллар» фаоллигида бошланди. Қатор ҳужумлар 73-дақиқада ўз самарасини берди. Такуми Минамино жамоасининг комбинациясини муваффақиятли якунлади. Ўйиннинг қолган вақтида ҳисоб ўзгармади ва пенальтилар сериясига мурожаат қилинди.
Пенальтилар сериясида омад лондонликларга кулиб боқди. Шу тариқа Англия Кубогининг амалдаги соҳиби «Арсенал» янги мавсумдаги илк совринни қўлга киритди.
https://youtu.be/apdbgEivE6k
Англия Суперкубоги
29 август, шанба
«Арсенал» — «Ливерпуль» 1:1
Пенальтилар серияси — 5:4Голлар: 1:0 – 12 Обамеянг, 1:1 – 73 Минамино.
«Арсенал»: Мартинес, Бельерин (Соареш, 58), Давид Луиз, Тирни (Колашинац, 83), Мэйтленд-Найлз, эн-Ненни, Жака, Сака (Уиллок, 82), Ҳолдинг, Обамеянг, Нкетиа (Нелсон, 82).
«Ливерпуль»: Алиссон, ван Дейк, Гомес, Робертсон, Уильямс (Минамино, 59), Милнер (Кейта, 59), Вейналдум (Брюстер, 90), Фабиньо, Мане, Салоҳ, Фирмино (Жонс, 83).
Огоҳлантириш: Милнер (57).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)