Футбол бўйича Coca-Cola Суперлига 13-турининг сўнгги ўйинида 29 август, шанба куни «Бухоро» ва ОКМК жамоалари ўртасида кечди.
Учрашувнинг 36-дақиқасида Элгужа Григалашвили олмалиқликларни олдинга олиб чиқди. 73-дақиқада «Бухоро» ўйинчиси Иззатилла Абдуллаев узоқ масофадан жуда чиройли зарба йўллаб, мувозанатни тиклади.
Сўнгги дақиқалар қизиқарли ўтди. 89-дақиқада Илҳом Алижонов бухороликларнинг иккинчи голини урди. Ҳакам томонидан қўшиб берилган вақтнинг сўнгги дақиқасида ОКМК пенальти ишлаб олди. Бироқ уни Ёван Жокич аниқ амалга ошира олмади. Дарвозабондан қайтган тўпни олмалиқлик дарвозага жойлаб қўйишга муваффақ бўлди.
Шу тариқа Миржалол Қосимов шогирдлари мағлубиятсиз сериясини давом эттирган ҳолда 29 очко билан 2-ўринда бормоқда. «Бухоро» (7) эса 13-поғонага кўтарилди.
Coca-Cola Суперлига
13-тур баҳси
29 август, шанба
«Бухоро» — ОКМК 2:2
Голлар: 0:1 – 36 Григалашвили, 1:1 – 73 Абдуллаев, 2:1 – 89 Алижонов, 2:2 – 90+7 Нурматов.«Бухоро»: Зафар Сафоев, Миржалол Жумаев, Бобур Омонов, Анвар Жўраев, Жасур Ҳакимов, Зоҳир Пиримов (Иззатилла Абдуллаев, 58), Жасур Ҳасанов, Бекзод Саидов (Шаҳзод Бешимов, 72), Эргаш Исмоилов (Илҳом Алижонов, 58), Азизбек Амонов (Суҳроб Неъматов, 72), Солибек Каримов.
ОКМК: Суҳроб Султонов, Акмал Шораҳмедов, Дилшод Жўраев, Бобур Йўлдошев, Мурод Тошматов, Ёван Жокич, Миржамол Қосимов (Сардор Раҳмонов, 79), Баҳром Абдураҳимов (Шаҳзод Нурматов, 79), Санжар Турсунов (Арслонмурат Аманов, 86), Мате Вацадзе (Зафар Полвонов, 79), Элгужа Григалашвили (Ҳожимат Эркинов, 85).
Огоҳлантиришлар: Жокич 47, Жўраев 57, Саидов 71.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)