Футбол бўйича Россия Премьер Лигасининг 6-турида «Спартак» 29 август, шанба куни Туланинг «Арсенал»ини қабул қилди.
Учрашувнинг 36-дақиқасида меҳмонлар Даниил Хлусевичнинг голидан кейин олдинга ўтиб олди. Бироқ орадан беш дақиқа ўтиб, Александр Соболев ҳисобни тенглаштиришга эришди.
Биринчи бўлим якунланиши арафасида тулаликлар футболчиси Даниил Лесовойга қизил карточка кўрсатилди. Биринчи бўлимга ҳакам томонидан қўшиб берилган вақтда Самюуэль Жиго москваликларнинг иккинчи голини урди.
Иккинчи бўлимда «қизил-оқ»лар вазиятни назорат қилди. Эътиборли жиҳати, ўзбекистонлик ярим ҳимоячи Остон Ўрунов мазкур ўйинда РПЛдаги дебютини нишонлади. Остон учрашувнинг 69-дақиқасида майдонга тушди.
Мазкур ғалабадан кейин «Спартак» очколарини 14 тага етказиб олган ҳолда пешқадамга айланди.
РПЛ
6-тур баҳсида
29 август, шанба
«Спартак» — «Арсенал Тула» 2:1
Голлар: 0:1 – 36 Хлусевич, 1:1 – 41 Соболев, 2:1 – 45 Жиго.«Спартак»: Максименко, Маслов, Айртон, Жиго, Жикия, Зобнин, Умяров (Ешенко, 69), Бакаев (Тил, 57; Ўрунов, 69), Крал, Ларссон (Мирзов, 88), Соболев.
«Арсенал Тула»: Нигматуллин, Бурлак, Сокол, Bauer, Кангва (Чаушич, 78), Пантелеев (Горбатенко, 68), Костадинов (Ткачев, 78), Громико, Лесовой, Кангва (Банда, 68), Хлусевич (Довбня, 84).
Огоҳлантиришлар: Лесовой (13), Сокол (30), Пантелеев (42), Жиго (71), Чаушич (90).
Четлатиш: Лесовой (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)