Тошкент шаҳридаги Фарғона йўли кўчасининг бир қисми 29 август, шанба куни таъмирлаш ишлари сабабли транспорт воситалари қатнови учун ёпилади. Бу ҳақда Тошкент шаҳар ҳокимлиги хабар берди.
Маълум қилинишича, 29 август соат 06:00 дан соат 18:00 га қадар Фарғона йўли кўчасининг Нукус ва Қўйлиқ ота кўчалари оралиғидаги қисми таъмирлаш ишлари муносабати билан автомобиллар ҳаракати учун вақтинча ёпилади.
Ҳокимлик тирбандликларнинг олдини олиш мақсадида ҳайдовчиларга вақтинча айланма йўллардан фойдаланишни тавсия қилган.
Аввалроқ Фарғона йўли кўчасининг Бектемир шоҳкўчасидан Мунис кўчаси билан кесишмасигача бўлган оралиқдаги қисми таъмирлаш ишлари муносабати билан 23 августдан 1 сентябрга қадар қисман ёпилиши ҳақида хабар берилганди.
Изоҳ (0)