Футбол бўйича Coca-Cola Суперлига 13-туридан ўрин олган 28 август кунги иккита учрашув якунланди.
«Навбаҳор» жамоаси водий дербисида «Қўқон-1912»га қарши баҳс юритди. Учрашувга ҳакам томонидан қўшиб берилган вақтда қўқонликлар пенальти ишлаб олди. Уни Мурод Холмуҳаммедов аниқ бажариб, жамоасининг навбатдаги ғалабасини таъминлади.
«Қўқон-1912» ушбу ғалабадан кейин очколарини 25 тага етказиб олган ҳолда 3-ўринга кўтарилди. «Навбаҳор» (19) эса 6-поғонада қолди.
Параллел ўйин «Бунёдкор» ва «Қизилқум» жамоалари ўртасидаги кечди. Биринчи бўлим якунланиши арафасида Хуршид Ғиёсов пенальтини аниқ бажариб, «қалдирғочлар»ни ҳисобда олдинга олиб чиқди. Бунга Навоий клуби иккинчи бўлим сўнгида Руслан Маргиевнинг голи билан жавоб қайтарди.
«Бунёдкор» (23) ушбу дурангдан кейин 5-ўринга тушиб кетди. «Қизилқум» 10 очко билан 11-ўринда бормоқда.
Coca-Cola Суперлига
13-тур баҳслари
28 август, жума
«Навбаҳор» — «Қўқон-1912» 0:1
Гол: 0:1 – 90+3, пенальти Холмуҳаммедов.«Навбаҳор»: Ўткир Юсупов, Ғиёс Комилов, Азим Аҳмедов, Азиз Турғунбоев, Сардар Теляков, Игор Голбан, Шоҳруҳ Маҳмудхожиев (Ислом Исоқжонов, 46), Хуршид Мухторов, Тоҳиржон Шамситдинов (Даврон Ҳошимов, 74), Павел Голишев (Иван Соловёв, 65), Руслан Болов (Забиҳилло Ўринбоев, 57).
«Қўқон-1912»: Ботирали Эргашев, Бобуржон Акбаров, Шоҳназар Норбеков (Ҳамидулло Абдуҳамидов, 88), Суҳроб Бердиев, Қувондиқ Рўзиев, Авазхон Маматхўжаев (Мурод Холмуҳаммедов, 75), Ойбек Рустамов, 22.Муҳаммаданас Ҳасанов (Сардор Азимов, 75), Александр Мерзляков, Иван Ёсович, Якуба Бамба (Иқбол Маликжонов, 80).
Огоҳлантиришлар: Маматхўжаев (17), Болов (40), Голбан (43), Бердиев (67), Мухторов (90+3)
«Бунёдкор» — «Қизилқум» 1:1
Голлар: 1:0 – 43, пенальти Ғиёсов, 1:1 – 80 Маргиев.«Бунёдкор»: Абдумавлон Абдулжалилов, Исломжон Қобилов, Иброҳимҳалил Йўлдошев, Дилшод Аҳмадалиев (Расул Йўлдошев 68), Хуршид Ғиёсов (Селим Нурмурадов 86), Лутфулла Тўраев, Миржаҳон Мираҳмадов (Шаҳбоз Эркинов 46), Санжар Қодирқулов, Нурилло Тўхтасинов, Абдулла Абдуллаев, Фаррух Икромов (Суҳроб Иззатов 68).
«Қизилқум»: Игнатий Нестеров, Владислав Касминин, Эркин Байдуллаев, Ойбек Қиличев (Файзулло Қамбаров 92), Руслан Маргиев, Салим Мустафоев, Муҳсин Убайдуллаев (Воҳид Шодиев 79), Шерали Жўраев, Иброҳим Томива, Олег Толмасов, Суннатилла Абдуллажонов (Алишер Саноев 46).
Огоҳлантиришлар: Қиличев (28), Касминин (33), Тўраев (86), Бойдуллаев (89), Қодирқулов (90+1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)