Ўзбекистонда абитуриент рухсатномасини олиш соддалаштирилди

Абитуриентлар томонидан телефон рақами билан боғлиқ омиллар туфайли шахсий кабинетга кириб, имтиҳонга кириш рухсатномасини олишда муаммолар бўлаётгани хусусида мурожаатлар тушмоқда. Мазкур мурожаатларни инобатга олган ҳолда abitur.dtm.uz портали орқали абитуриент рухсатномасини олиш осонлаштирилди, дея хабар беради Давлат тест маркази.

Рухсатномани шахсий кабинетга кирмасдан ҳам олиш имконияти яратилди, энди рухсатнома олиш учун телефон рақам ва пароль талаб этилмайди.

Бунда абитуриент рухсатномасини юклаб олиш учун https://abitur.dtm.uz/allow саҳифасига ўтиб, қуйидаги маълумотлар киритиш керак бўлади:

• паспорт серияси;
• паспорт рақами;
• жисмоний шахснинг шахсий идентификация рақами (ЖШШИР).