Ҳиндистоннинг Кашмир штатида яшовчи ўсмир Файзан Аҳмад Нажарнинг икки қўлида ҳам қўшимча бош бармоқ мавжуд ва бу унга ҳаётда муваффақиятга эришишда ёрдам беради, деб ёзади Daily Mail.
Боланинг айтишича, қўшимча бармоқлар унга дарахтга чиқишида, крикет видео ўйинини ўйнашда ёрдам беради.
Ҳозир Файзан 12 ёшда. У икки ёшлигида шифокорлар боланинг ота-онасига ортиқча бармоқларни жарроҳлик йўли билан олиб ташлашни таклиф қилган, аммо улар буни рад этган.
«Биз бу масала бўйича руҳонийдан маслаҳат олдик, унинг айтишига кўра, агар ортиқча бармоқлар олиб ташланса, бу фарзандимизнинг кўриш қобилиятига таъсир ўтказар экан», — дейди боланинг онаси.
Файзаннинг ўзи ҳам бундай ўзгачаликдан уялмаслигини тасдиқлади ва келажакда муваффақиятга эришиш учун ортиқча бармоқлари халақит бермаслигига умид қилади.
Изоҳ (0)